FROM HAU SIR AND HIS ELITE CHEMISTRY UNION
正所謂我地筆記講’古之立大事者，不惟有超世之才，亦有堅忍不拔之志’， 出自蘇軾《晁錯論》既呢一句，是講自古以來能夠成就偉大功績的人，不僅僅要有超凡出眾的才能,還一定要有敢於面對問題解決問題的勇氣和堅忍不拔的意志。好多同學可能覺得化學科好難，唔知自己讀緊咩。無論係我(Hau sir)定係Jimmy sir都經歷過同大家一樣讀Chem讀極都唔識，唔及格既階段。你現在既苦惱現在既失敗，未必係你對呢一科唔適合（其實DSE係你讀左大學回想起只係皮毛），宜家呢個時刻只係學習既里程碑。只要你有勇氣夠堅毅，一定可以突破。我哋教班既初衷係希望藉著自己嘅經歷，為困惑嘅大家搵條出路，好似熊仔頭講咁’記住無人話你唔得，只係你自己過話自己唔得’。如果大家係中六既同學，時間好似唔太多，但記住唔好比呢一刻既小小困難大到。你仲有時間，只要你把握每一分每一秒，你一定可以扭轉結局，邁向成功。我地教左咁多年，見過無數咁多個同學，成功只得一個formula，就係堅毅不屈，努力向目標邁進。雖然講緊好似呀媽係女人既道理，但真係真係真係事實。如果你宜家呢一刻已經認定自己唔得，你就一定唔得。希望可以係呢到勉勵到大家，我地一定會同各位同學一齊奮鬥直至最後一刻。我地年紀咁大都未放棄，你地憑咩放棄，加油呀各位同學！！！
FROM POTATOS BIOlogy
DSE生物科對許多學生來說確實是一個挑戰，特別是當初中過渡到高中時，學科的深度和廣度都有顯著增加。初中階段可能更多依賴記憶，但到了高中，單純的記憶已經不足以應對考試的需求。這時，理解概念的深度、應用知識解決問題的能力，以及答題技巧的掌握就顯得格外重要。咁我幫大家分一析生物科要考得好需要啲咩元素先？
首先係概念方面，生物科好多概念都係環環相扣，唔同課題之間嘅概念會融合一齊考，可能一條MC考植物嘅同事會考進化會考遺傳，所以對於 同學 Cross topic 嘅能力有一個好高嘅要求，所以如果同學再用舊嘅方法去讀書嘅話喺DSE可能會力不從心
第二係技巧，Dse生物科算係理科中嘅文科有太多背誦嘅東西，而且背誦完之後仲未必有分，咁所以喺拆題上需要嘅係扣題嘅技巧，但係每一課嘅拆題技巧都非常之不同，題目嘅變化好多，所以如果冇人去指導就會比較吃力，咁當然呢啲係我哋通常都會再教導
第三係框架，DSE 生物科喺背誦上都未必背完就有分，好多時講求有冇用往年past paper用過嘅框架，但係每一年嘅Marking scheme 都有啲唔同，咁令到同學可能未必能夠知道幾時需要背乜嘢，咁當然我會幫大家整合30年來嘅past paper去應付考評局任何一種背誦嘅題型
第四係變化，好多時候DSE嘅考試都比較層出不窮，因為生物科考核嘅範圍實在太大，同學如果喺冇閱讀科研雜誌嘅習慣或者報告嘅時候咁喺應付考評局嶄新嘅題型上會比較吃力，咁當然我會幫大家去整合同埋研究考評局未來嘅趨勢去幫大家做好萬全嘅準備
最後當然要努力，因為即使我為大家準備晒所有嘅素材，但係大家唔努力嘅話咁都係冇意思嘅，所以最後缺乏嘅就係努力